從香港囘來後剛剛三星期。
頭兩個星期嚴重 jet lag, 萬分痛苦如行雲駕霧兼腦袋無法操作。但數數，21天內都完成了很多項任務，自己都有些驚奇驚喜：
返嚟無幾耐大勇雨中車個女去剪髪，自己都剪短埋。
同阿媽睇中醫、西醫、攞中藥時又配西醫。因為醫生寫錯藥方要去好多次藥房。
同阿媽買菜，外買，搬搬抬抬兼有時煮些餸被佢。
返了2日工，初時以為會唔慣，又 okay 喎。
準備豬腳薑醋：批6磅薑皮（謝好友 Kate 幫手，感激），清洗烘乾煎乾一大堆功夫，終於完全第一部份。
替將來臨這世間的孫女織了一頂帽、一對襪仔及一件小外套。而這件外套超難旘，因為毛冷毛毛滇滇，好難數針，又要睌上趕工（為了1月9日的 baby shower)，真是織到眼涙直流（不是傷心，是眼睛太攰而已），好在件衫仔好靚好得意超柔軟。
昨晚還要連續追看5集 Making a Murderer, 還有5集才大結局。哈哈。好久沒有追劇的 mood 了。
以後的日子當然還有勞苦的重擔。To do list 永遠刪除又加上。所謂長命功夫長命做，睇下點.........
